EQAC ERASMUS + layihəsinin məlumatlandırma günü keçirilib - FOTOLAR
“Naxçıvan” Universitetinin mətbuat xidmətindən NUHÇIXAN-a verilən xəbərə görə Naxçıvan Dövlət Universiteti və Naxçıvan Müəllimlər İnstitutunda ali təhsil ocağının tərəfdaş olduğu EQAC ERASMUS+ layihəsinin təqdimatı keçirilib.
“Naxçıvan” Universitetinin Beynəlxalq əlaqələr şöbəsinin müdiri Rəcəb Cəfərli layihənin məqsədi haqqında məlumat verib. Bildirilib ki, EQAC layihəsi özündə tələbə yönümlü təhsil proqramlarının yeni standartlara uyğun yazılması, tələbələrlə iş və tələbəyə dəstək və s. kimi konsepsiyaları birləşdirir.
Daha sonra keyfiyyətin təminatı məqsədilə onlayn platformanın tətbiq edilməsi və genişləndirilməsi -QPR proqramı barədə məlumat verilib. Universitetin keyfiyyətə təminatı sisteminin funksiyalarının necə işləndiyini əyani olaraq nümayiş etdirilib.
Seyfur Hacımuradov