Naxçıvanda informasiya və rabitə xidmətlərinin dəyəri artıb
Naxçıvan Muxtar Respublikası Dövlət Statistika Komitəsinin mətbuat xidmətindən NUHÇIXAN-a verilən məlumata görə, 2019-cu ilin yanvar-aprel aylarında informasiya və rabitə xidmətlərinin dəyəri 17 milyon 268 min manat olmuşdur ki, bu da 2018-ci ilin müvafiq dövründəki xidmətlərin dəyəri ilə müqayisədə 3,2 faiz çoxdur. Bu dövr ərzində mobil rabitə xidmətinin dəyəri 13 milyon 789 min 600 manat təşkil etmiş və bir il öncəyə nisbətdə 1,5 faiz artmışdır.