Naxçıvanlı tələbələr Türkiyədə təcrübə kursu keçiblər - FOTOLAR
Naxçıvan Dövlət Universitetinin Televiziya, mətbuat və ictimaiyyətlə əlaqələr bölməsindən NUHÇIXAN-a verilən xəbərə görə, Təbiətşünaslıq və kənd təsərrüfatı fakültəsinin Baytarlıq təbabəti ixtisası üzrə təhsil alan tələbələri Türkiyənin Qars Qafqaz Universitetində bir həftəlik təcrübə kursu keçiblər. 3 müəllim və 11 tələbədən ibarət 14 nəfərlik heyəti Türkiyənin Qars Qafqaz Universitetinin rektoru və müəllim-professorları qəbul edib.
Tələbələr klinik təcrübə planına uyğun olaraq qaramal və qoyun saxlanılan binalar, sağım sexi, yem tədarükü məntəqəsi, laboratoriya heyvanları şöbəsində olublar. Tələbələr cərrahlarla birlikdə bəzi əməliyyatlarda iştirak edib, müxtəlif müalicə-proflaftika vasitələri ilə tanış olublar.
Təcrübi proseslərdə yaxından iştirak edən tələbələr qazanılan təcrübənin elmi cəhətdən tətbiqinə şərait yaratmaq üçün müxtəlif kitablar, tədris vəsaitlərinin və elektron məlumatların Naxçıvan Dövlət Universitetinə gətirilməsinə nail olublar.
Səfər çərçivəsində tələbələrin Qars şəhərinin tarixi-mədəni yerlərinə ekskursiyaları da təşkil olunub.
Səadət Əliyeva