Gənc rəssamlar Naxçıvanın mənzərələrini çəkiblər

NUHÇIXAN xəbər verir ki, ümumtəhsil məktəblərinin şagirdləri arasında Naxçıvan Muxtar Respublikasının yaradılmasının 95 illik yubileyinə həsr olunan “Qədim və müasir Naxçıvan gənc rəssamların fırçasında” adlı rəsm müsabiqəsinin Naxçıvan Muxtar Respublika birincliyi keçirilib.

Əvvəlcə iştirakçılara müsabiqənin qaydaları haqqında məlumat verilib. Sonra şagirdlər Naxçıvanın tarixi abidələrini, təbiət mənzərələrini əks etdirən rəsmlər çəkiblər.

Müsabiqədə Babək rayon Sirab kənd tam orta məktəbin şagirdi Turac Bağırova 1-ci, Naxçıvan şəhər 8 nömrəli tam orta məktəbin şagirdi Cabbar Əliyev və Şərur rayon Çomaxtur kənd tam orta məktəbin şagirdi Zəfər Quliyev 2-ci, Şərur rayon Muğancıq Mehrab kənd tam orta məktəbin şagirdi Nisəbəyim Babayeva və Naxçıvan şəhər 12 nömrəli tam orta məktəbin şagirdi Şənay Zamanlı 3-cü yerə layiq görülüblər. Müsabiqədə həvəsləndirici yerlər də verilib. Qaliblərə diplom və hədiyyələr təqdim edilib.

Sadiq Məmmədov