Hüceyrələrdəki nuklein turşusu uzunömürlülüyə təsiri aşkar edilib

Alimlərin fikrincə, hüceyrələrdəki nuklein turşusu insanın yaşlanmasında mühüm rola malikdir. Normadan daha çox - qırx altı gün yaşayan mutant soxulcan üzərində aparılan müşahidələr göstərib ki, o, adi soxulcandan iki dəfə uzunömürlü olub. Eksperiment zamanı uzunömürlü soxulcanın hüceyrə strukturunda dəyişikliyin onun metabolizminə müsbət təsiri aşkar olunub.

NUHÇIXAN “The New York Times” qəzetinə istinadla xəbər verir ki, Almaniyada fəaliyyət göstərən Maks Plank Biologiya İnstitutunun əməkdaşı Adam Antebinin sözlərinə görə, nuklein turşuları canlıların yaşama müddətini tənzimləyir. Hüceyrələrin tərkibindəki mikroorqanizmlər olan ribosomlar saç, yaddaş və refleksləri formalaşdıran zülal divarları yaradır. Onlar, həmçinin DNT-nin tərkibində maddələr mübadiləsi və enerji sərfinə istiqamət verən zəncirin halqalarını da müəyyən edirlər. Məhz bu amillər insanın sağlam və uzunömürlü olmasını təyin edir.

Adam Antebi əlavə edib: “Altmış yaşdan yuxarı insanların iştirakı ilə aparılan tədqiqatlar maraqlı nəticələri üzə çıxarıb. Eyni fiziki fəallıq, qida rasionu və sağlam həyat tərzi keçirənlərin müayinəsi göstərib ki, bütün bu amillər yalnız köməkçi rolunu oynayır. Həlledici amil isə insanın genetik bazasıdır. Biz uzunömürlülüyün bioloji meyarlarını aşkar etmək üçün xeyli vəsait və vaxt sərf etdik, lakin belə qənaətə gəldik ki, bunu mikroskop altında hüceyrələri strukturunu öyrənərək müəyyən etmək olar”.