Dünyada "ASAN xidmət" mərkəzləri əsasında 800 milyondan çox vətəndaşa xidmət göstərilir
Hazırda "ASAN xidmət" modeli 50-dən çox ölkə ilə paylaşılmaqdadır. Müxtəlif ölkələrdə 600-dən çox "ASAN xidmət" mərkəzi 800 milyondan çox vətəndaşa
xidmət göstərir.
NUHÇIXAN xəbər verir ki, bunu Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Beynəlxalq əlaqələr şöbəsinin müdiri Məhəmmədəli Xudaverdiyev “ASAN xidmət” və BMT-nin Bakıda baş tutacaq birgə beynəlxalq sammiti ilə bağlı keçirilən brifinqdə deyib.
Şöbə müdiri bildirib ki, Azərbaycanın “Asan Xidmət” modeli dünya əhalisinin 10 faizinə töhfə verir.