Ordubadda baş verən ağır qəzada xəsarət alanların son vəziyyəti açıqlanıb
Naxçıvan-Ordubad magistral yolunun Ordubad rayonunun Aşağı Əylis kəndi yaxınlığında baş verən ağır yol-nəqliyyat hadisəsində xəsarət alan şəxslərin vəziyyəti məlum olub.
NUHÇIXAN xəbər verir ki, qəza nəticəsində xəsarət alan 1994-cü il təvəllüdlü Əmrah İmamverdi oğlu Məmmədov reanimasiya şöbəsinə yerləşdirilib.
1990-cı il təvəllüdlü Təbriz Eyvaz oğlu Zeynalovun müalicəsi isə nevrocərrahiyyə şöbəsində davam etdirilir.
Bildirilib ki, hər iki şəxsin vəziyyəti stabil orta-ağır qiymətləndirilir.
Faktla bağlı araşdırma aparılır.