Naxçıvanda “Uşaq Hüquqları Aylığı” çərçivəsində 12 saylı uşaq bağçasında maarifləndirici məşğələ keçirilib - FOTOLAR

A- A A+

NUHÇIXAN xəbər verir ki, “Uşaq Hüquqları Aylığı” çərçivəsində Naxçıvan Muxtar Respublikası Fövqəladə Hallar Nazirliyinin dəstəyi ilə Naxçıvan şəhər 12 saylı uşaq bağçasında maarifləndirici məşğələ təşkil olunub.

Məşğələnin məqsədi uşaqların hüquqlarının qorunması, onların təhlükəsiz mühitdə yaşamaq hüququ barədə məlumatlandırılması və fövqəladə hallarda düzgün davranış bacarıqlarının formalaşdırılması olub.

Məşğələ zamanı uşaqlara yaşamaq, qorunmaq və təhlükəsiz mühitdə olmaq hüquqları haqqında ilkin biliklər verilib. Həmçinin yanğın, zəlzələ, sel və daşqın, güclü külək və digər fövqəladə hallar barədə məlumat verilib, belə vəziyyətlərdə düzgün davranış qaydaları izah olunub.

İnteraktiv sual-cavablar vasitəsilə uşaqlara təhlükəli vəziyyətlərdə sakitliyi qorumaq, təhlükəsiz əraziyə keçmək və böyüklərdən kömək istəmək tövsiyə edilib. Xilasedicilərin, yanğınsöndürənlərin və tibb işçilərinin fəaliyyəti haqqında məlumat verilib, fövqəladə hallarda təhlükəsizlik qaydalarına əməl etməyin əhəmiyyəti vurğulanıb.

Məşğələ çərçivəsində keçirilən idman dəqiqəsində isə uşaqlar maneələri dəf edərək təhlükəsizlik qaydalarını tətbiq etmək imkanı əldə ediblər.

Məşğələnin sonunda uşaqlar tərəfindən hazırlanan musiqili kompozisiya nümayiş olunub.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: