Şagirdlər arasında rəsm müsabiqəsi

NUHÇIXAN xəbər verir ki,  muxtar respublika ümumtəhsil məktəblərinin şagirdləri arasında 28 May- Respublika Gününə həsr olunan “Azərbaycan- yurdum mənim” mövzusunda rəsm müsabiqəsi keçirilib.

3 saat davam edən rəsm müsabiqəsi 7-12 və 13-17 yaş qrupları üzrə keçirilib. 40 şagirdin iştirak etdiyi müsabiqədə sərbəst texnika vasitəsilə müxtəlif fraqmentli qədim əşyalar, gül dəstələri, muxtar respublikamızın təbiətini əks etdirən mənzərələr, müstəqillik uğrunda döyüşən qəhrəmanlarımızın keçdiyi şərəfli döyüş yolu və başqa təsvirlər çəkilib.

Müsabiqədə iştirak edən şagirdlər arasında 6-sı həvəsləndirici olmaqla 12 qalib müəyyənləşdirilib. Qaliblər diplom və müxtəlif hədiyyələrlə mükafatlandırılıblar.

Sonda şagirdlər tərəfindən çəkilən rəsm əsərlərindən ibarət sərgiyə baxış olub.

Müsabiqədə milli musiqi nümunələrimiz də səsləndirilib.

                                                            Məhəmməd  Fərəcov