Ali təhsil ocağında tələbələrin iştirakı ilə tamaşa hazırlanıb - FOTOLAR

Naxçıvan Dövlət Universitetinin Televiziya, mətbuat və ictimaiyyətlə əlaqələr bölməsindən NUHÇIXAN-a verilən xəbərə görə, İncəsənət fakültəsində Süleyman Sani Axundovun “Tamahkar” komediyası səhnələşdirilib.

Universitetin Teatr və mədəniyyətşünaslıq kafedrasının dosenti, tamaşanın rejissoru Şəmsəddin Qasımov Süleyman Sani Axundovun yaradıcılığı və hazırlanan tamaşa  ilə bağlı məlumat verib.  

Qeyd edək ki, komediyanı Teatr və mədəniyyətşünaslıq kafedrasının Aktyor sənəti ixtisası üzrə ikinci kurs tələbələri səhnələşdiriblər. Rolları Nahid Eldarlı, Ülvi Kazımlı, Nubar Quliyeva və başqa tələbələr oynayıblar.  

İncəsənət fakültəsində Təsviri İncəsənət ixtisasının IV kurs tələbələri Nurtac Zamanova və Türkan Quliyevanın  “Rəngli ziya” adlı fərdi sərgisi də baş tutub.

Sərgidə müxtəlif janrlarda hər tələbəyə 30 əsər olmaqla, ümumilikdə 60 rəsm əsəri nümayiş olunub. Sonda hər iki tələbəyə diplom təqdim edilib.