Şahbuzda 47 uşaq tibbi müayinədən keçirilib
Naxçıvan Muxtar Respublikası Səhiyyə Nazirliyinin mətbuat xidmətindən NUHÇIXAN- a verilən xəbərə görə Naxçıvan Muxtar Respublika Xəstəxanasının həkim və tibb işçiləri rayon mərkəzlərinin, qəsəbə və kəndlərdə əhalinin tibbi müayinəsini və cərrahi əməliyyatları davam etdirirlər.
Xəstəxananın həkimi-muxtar respublikanın baş oftalmoloqu Kəmalə Əliyeva “Gələcəyə sağlam baxış” devizi altında Şahbuz Rayon Mərkəzi Xəstəxanasında yerli tibb işçiləri ilə birgə xəstələri tibbi müayinədən keçirib. Görmə orqanının bütün növ xəstəliklərin diaqnostika və müalicəsi aparılıb. Gün ərzində 47 uşaq müayinədən keçirilib, xəstəlikləri aşkar olunanlara müalicə və eynəklər yazılıb, həkim məsləhəti verilib. 10 nəfər ətraflı müayinə üçün Naxçıvan Muxtar Respublika Xəstəxanasında Görmənin bərpası və mühafizəsi kabinəsində müalicəyə dəvət olunub. 30 uşağa isə hədiyyə paylanılıb.