Muxtar respublikada taxıl biçini davam edir

NUHÇIXAN xəbər verir ki, muxtar respublikada taxıl biçini davam etdirilir. Biçində 94 kombaynın gücündən istifadə olunur. Hazırda taxıl biçini Naxçıvan şəhəri, Şərur, Babək, Ordubad, Culfa və Kəngərli rayonlarında aparılır. Şahbuz rayonunda isə taxıl biçininə hazırlıq işləri görülür. Yaxın günlərdə bu rayonda da taxıl biçininə start veriləcək.

Qeyd edək ki, bu il muxtar respublikada 31 min 667 hektar sahədə  payızlıq taxıl əkini keçirilib.Yaz aylarında havaların yağıntılı keçməsi, sahələrdə düzgün aqrotexniki tədbirlərin aparılması və keyfiyyətli toxumlardan istifadə  məhsuldarlığa müsbət  təsir göstərib.   

Kəngərli rayonunda da taxıl biçini sürətlə aparılır. Artıq 1150 hektar sahədə taxıl biçilib. Məhsuldarlıq 25-30 sentner təşkil edir. Qeyd edək ki, bu il Kəngərli rayonunda 5 min 25 hektar sahədə payızlıq taxıl əkilib.

                                                       Novruz Məmmədov