Naxçıvanda qadın hərbi qulluqçular xidmətə başlayıb - FOTOLAR
Əlahiddə Ümumqoşun Ordunun mətbuat xidmətindən NUHÇIXAN-a verilən məlumata görə, Naxçıvan Qarnizonunda qadın hərbi qulluqçuların da cəlb edildiyi növbəti kursların uğurla başa çatması münasibəti ilə buraxılış mərasimi keçirilib.
Buraxılış mərasimində çıxış edənlər gizir, müddətdən artıq həqiqi hərbi xidmət hərbi qulluqçusu və qadın hərbi qulluqçu kurslarını bitirən gənclərə xidmətlərində uğurlar arzulayıblar.
Naxçıvan Qarnizonunun rəisi, general-leytenant Kərəm Mustafayevin təbriki şəxsi heyətə çatdırılıb. General-mayor Teymur Eyyubov peşəkar hərbçi kadrların hazırlanması məqsədilə Naxçıvan Qarnizonunda müxtəlif ixtisas kurslarının təşkil olunduğunu vurğulayıb.
Sonra kursları müvafiq olaraq 1-ci, 2-ci və 3-cü yerdə başa vuran məzunlara sertifikat və hədiyyələr təqdim edilib. Həmçinin nümunəvi xidməti ilə fərqlənən hərbi qulluqçular da mükafatlandırılıblar.
Sonda Xatirə lövhələrinə buraxılış emblemləri vurulub və məzunların tribuna önündən təntənəli keçidi olub.
Məzunlarla xatirə şəkli çəkdirilib.
Nəriman Nəcəfov