Uşaqlar açıq havada konsert veriblər - FOTOLAR

Naxçıvan Muxtar Respublikası Təhsil Nazirliyinin mətbuat xidmətindən NUHÇIXAN-a verilən məlumata görə, Heydər Əliyev Uşaq-Gənclər Yaradıcılıq Mərkəzinin qarşısında “Yay tətili uşaqların gözü ilə” adlı konsert proqramı təşkil olunub.

Konsert proqramında Mərkəzin üzvləri tamaşaçılar üçün  “Əlvan çiçəklər” rəqs qrupunun ifasında maraqlı rəqslər, həmçinin trio rəqsi, “Nağara” ansamblının ritmlərini və bədii qiraət təqdim ediblər.

Tədbirdə Naxçıvan şəhər tam orta məktəblərinin müəllim və şagirdləri, məktəbdənkənar tərbiyə müəssisələrinin dərnək rəhbərləri və dərnək üzvləri iştirak edib.