Sədərək məktəbliləri yay tətilini səmərəli keçirir
NUHÇIXAN xəbər verir ki, Sədərək rayon Təhsil şöbəsinin, Uşaq Gənclər Yaradıcılıq Mərkəzinin birgə təşkilatçılıqı ilə Sədərək rayon Heydərabad qəsəbə tam orta məktəbində şagirdlər arasında rəsm müsabiqəsi keçirilib. Naxçıvanın tarixi abidələri mövzusunda keçirilən rəsm müsabiqəsində 16 məktəbli iştirak edib.
Naxçıvan Muxtar Respublikasının Təhsil Nazirliyinin məktəblilərin yay tətilinin səmərəli keçirilməsi ilə bağlı tədbirlər planına uyğun olaraq keçirilən rəsm müsabiqəsində Nübar Quliyeva I , Sevgi Kazımova II, Cavid Zamanlı isə III yerə layiq görülüblər. Qaliblər təşkilatçılar tərəfindən Fəxri fərman və diplomlarla mükafatlandırılıblar.