Naxçıvanda arıçılıq inkişaf edir - FOTOLAR

NUHÇIXAN xəbər verir ki, Naxçıvan Muxtar Respublikası Kənd Təsərrüfatı Nazirliyinin əməkdaşları Culfa rayonun Camaldın kəndində olublar. Əməkdaşlar  burda arıçılıqla məşğul olan   Kamil Məmmədovla görüşüblər.

Görüş zamanı nazirliyinin mütəxəssisləri arı ailələrinin vəziyyəti ilə maraqlanıblar. Sahibkara arıçılığın inkişafı, təsərrüfatda qarşıya çıxan problemlərin  həlli ilə bağlı məsləhətlər və  maarifləndirici buklet  veriblər.

Qeyd edilib ki, bir neçə ildir  muxtar respublikada “Arıçılıq məhsulları-bal” festivalının keçirilməsi bu sahəyə marağı artırıb. İstehsal olunan məhsulların satışına da müsbət təsir göstərib. Naxçıvanda “2017-2022-ci illərdə arıçılığın inkişafı üzrə Dövlət Proqramı” qəbul edilib. Bu isə  iqtisadi cəhətdən gəlirli, qida və müalicəvi baxımdan faydalı olan arıçılığın inkişafı üçün geniş imkanlar açıb.

      Cavid Səfərli