Qadın kombaynçı taxıl biçinində fəaldır

419

NUHÇIXAN xəbər verir ki, Şahbuz rayonunda taxıl biçini davam edir. Biçində 10 kombaynın gücündən istifadə olunur. Taxıl biçinində muxtar respublikanın yeganə qadın mexanizatoru olan 62 yaşlı Sürəyya Quliyeva yeni aldığı müasir kombaynla fəal  iştirak edir.

Bir neçə gündür start verilən taxıl biçinində  “Naxçıvan Aqrolizinq” ASC-nin Şahbuz rayon bazasına məxsus 2, fiziki şəxsə aid 8 kombayndan istifadə olunur. Taxıl biçini yekunlaşan rayonların texnikaları da Şahbuz rayonuna göndərilir. Biçin əsasən Şahbuzkənd, Türkeş, Sələsüz, Daylaqlı, Mahmudoba kəndlərində və Şahbuz şəhərində aparılır.

Atıq  934  hektar sahədə biçin başa çatıb. Orta məhsuldarlıq 26 sentner təşkil edir.

Bu sahəyə göstərilən  dövlət qayğısı nəticəsində rayonda taxılçılığa maraq  ildən-ilə artır. Bu il ən çox taxıl rayonun Türkeş kəndində əkilib. Torpaq mülkiyyətçiləri bu kənddə 300  hektardan artıq  sahədə taxıl əkini həyata keçiriblər. Hazırda Türkeşdə yeni qapalı suvarma şəbəkəsinin qurulması davam etdirilir. Bu isə gələcəkdə əkin sahələrindən daha  çox məhsul istehsalına şərait yaradacaq .

Rayonda  ailə təsərrüfatı sahiblərinə lizinq yolu ilə verilən texnikalar da taxılçılığın inkişafına şərait yaradıb. Ayrınc kənd sakini Sürəyya  Quliyeva 110  hektar sahədə taxıl əkib. Bu il Sürəyya  Quliyevaya “Naxçıvan Aqrolizinq” ASC-i tərəfindən lizinq yolu ilə 1 ədəd kombayn da verilib. O, ailə üzvləri ilə birlikdə həm öz sahəsində, həm də digər torpaq mülkiyyətçilərinin taxıl sahələrində biçin kompaniyasında fəal iştirak edir.    

Qeyd edək ki, muxtar respublikanın yeganə mexanizator qadını  62 yaşlı  Sürəyya Quliyeva ölkə başçısının Sərancamına əsasən “Tərəqqi” medalı  ilə təltif olunub.                                

 

Novruz Məmmədov

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: