Şərur Rayon Mərkəzi Xəstəxanasında elmi-praktik konfrans

NUHÇIXAN xəbər verir ki, Şərur Rayon Mərkəzi Xəstəxanasında Ümumdünya Hepatitlə Mübarizə Gününə həsr olunan elmi-praktik konfrans keçirilib.

Tədbirdə Naxçıvan Muxtar Respublikası Yoluxucu Xəstəliklər Mərkəzinin baş həkimi Xeyrənsə Babayeva müasir dövrün aktual yoluxucu xəstəliklərindən olan Hepatit B və C virus xəstəliklərinin müayinə, müalicə və profilaktikası mövzusunda çıxış edib. Bildirib ki, Ümumdünya Səhiyyə Assambleyasının qərarı ilə iyulun 28-i bütün dünyada Beynəlxalq Hepatitlə Mübarizə Günü kimi qeyd olunur.

Sonra Mərkəzin həkimləri Abbas Əliyev “Hepatit B və C  xəstəliklərinin etiopatogenezi, yoluxma yolları və klinikası”, Tofiq Hacıyev “Hepatit B, C və D xəstəliklərinin müasir müayinə və müalicəsi, profilaktikası” mövzularında çıxış ediblər.

Çıxışlar video-süjet və slaydlarla müşayiət olunub, müzakirələr aparılıb.

Tədbir iştirakçılarını maraqlandıran suallar cavablandırılıb və onlara 28 İyul Ümumdünya Hepatitlə Mübarizə Gününə həsr olunmuş broşürlər paylanılıb.

 

Nurlan Sadiqov