Gənclərin muzeylərə ekskursiyası davam edir - FOTOLAR

NUHÇIXAN xəbər verir ki, Naxçıvan Muxtar Respubikası Mədəniyyət Nazirliyinin təşkilatçılığı ilə bir qrup gəncin Ordubad rayonuna ekskursiyası təşkil olunub.

Əvvəlcə Ordubad Rayon Tarix-Diyarşünaslıq muzeyini gəzən gənclərə bura haqqında geniş məlumat verildikdən sonra onlar Akademik Yusif Məmmədəliyevin ev muzeyində olublar.

Daha sonra gənclər görkəmli maarifçi-pedaqoq Məhəmməd Tağı Sidqinin və Məmməd Səid Ordubadinin ev muzeylərini ziyarət ediblər. Bu muzey ümummilli lider Heydər Əliyevin təşəbbüsü ilə 1972-ci  ildə, ədibin anadan olmasının 100 illiyi münasibəti ilə Ordubad şəhərində yaradılıb. Muzeydə ədibin həyat və fəaliyyətini əks etdirən müxtəlif sənədlər, orada yaşadığı dövrə aid xatirə şəkilləri qorunub saxlanır.

Nurlan Sadiqov