Naxçıvan nümayəndəliyinin rəhbəri Xorvatiya səfiri ilə görüşüb - FOTOLAR
NUHÇIXAN xəbər verir ki, Bakı şəhərində Naxçıvan Muxtar Respublikası Daimi nümayəndəliyinin rəhbəri Bəxtiyar Əsgərov Xorvatiyanın Azərbaycan Respublikasında yeni təyin olunmuş fövqəladə və səlahiyyətli səfiri Branko Zebiç ilə görüşüb.
Görüşdə iki ölkə arasındakı münasibətlər, vizaların sadələşdirilməsi, enerji layihələri, Naxçıvan Muxtar Respublikası ilə bir sıra istiqamətdə, xüsusilə, turizm sahəsində əlaqələr, rəsmi səfərlər, yeni açılmış səfirliyin fəaliyyət prioritetləri və digər maraqlı məsələlər ətrafında müzakirələr aparılıb.