Gənclərə Cəmşid Naxçıvanski haqqında məlumat verilib - FOTOLAR

NUHÇIXAN xəbər verir ki, yeni istifadəyə verilən Cəmşid Naxçıvanski Muzeyinin növbəti qonaqları muxtar respublika gəncləri olub.

Muzeylə tanışlıq zamanı gənclərə Cəmşid Naxçıvanskinin xatirəsinin əbədiləşdirilməsi, onun uşaqlıq və gənclik, həmçinin hərbi təhsil illəri, Birinci Dünya müharibəsində iştirakı, Azərbaycan Xalq Cümhuriyyətinin təşkil etdiyi Milli Ordu quruculuğunda, Azərbaycanda Sovet hakimiyyəti qurulandan sonrakı dövrdə və Moskvada Frunze adına Hərbi Akademiyada hərbi-pedaqoji fəaliyyəti barədə ətraflı məlumat verilib. Vurğulanıb ki, generalın ailəsi və yaxın qohumları ilə bağlı sənədlər, kitablar, fotoşəkillər və digər eksponatlar müxtəlif bölmələrdə mühafizə edilir. Araz-Türk Respublikasının fəaliyyətindən bəhs edən bölmədə isə tədqiqat materialları və tarixi sənədlər nümayiş etdirilir.

Turab Hacızadə