Tələbələr Əlincə qalası ilə tanış olublar - FOTOLAR

NUHÇIXAN xəbər verir ki, “Naxçıvan” Universitetinin bir qrup tələbəsinin “Əlincəqala” Tarix-Mədəniyyət Muzey Kompleksinə ekskursiyası təşkil olunub.

“Əlincəqala” Tarix-Mədəniyyət muzeyində burada nümayiş olunan saxsı qab və çıraqlar, qalanın ərazisindən aşkar olunan boyalı keramika parçaları haqqında onlara məlumat verilib. Qeyd edilib ki, bu nümunələr muxtar respublikada sənətkarlıq ənənələrinin qədim dövrlərdən formalaşdığını göstərən nadir eksponatlardır. Yüngül və məsaməli daş növündən hazırlanmış “su daşı” və digər məişət əşyalar gənclərin diqqətini cəlb edib.

Gənclər qalanın zirvəsinə qalxaraq, qala ilə tanış olub, şəkillər çəkdirərək öz sosial şəbəkə hesablarında paylaşıblar.