Ustad dərsləri keçirilib - FOTOLAR
NUHÇIXAN xəbər verir ki, Naxçıvan Muxtar Respublikasının Mədəniyyət Nazirliyinin təşkilatçılığı ilə Kəngərli rayonunun Çalxanqala Kənd Uşaq Musiqi Məktəbində rayonun uşaq musiqi məktəblərinin müəllim və şagirdləri üçün ustad dərsləri keçirilib.
Ustad dərslərin keçirilməsində əsas məqsəd tədrisin səviyyəsinin yüksəldilməsinə, şagirdlərin bacarıq və qabiliyyətlərinin inkişaf etdirilməsinə nail olmaqdır. Müəllim və şagirdlər üçün nəzərdə tutulan tar, qarmon, fortepiano və kamança ixtisası üzrə ustad dərslərini muxtar respublikanın tanınmış müəllim və musiqiçiləri keçiblər.