Elektron kitabxanalarla bağlı mövzu müzakirə edilib
“AMEA Naxçıvan Bölməsinin kitabxanasının bazası 37 039 ədəd inventar sayı təşkil edir. Bunlardan 15 475 adda kitab elektron kataloqlaşdırılıb. 1780 kitabın elektron versiyası hazırlanıb internetdə və ya lokal şəbəkədə yerləşdirilib”,-bu fikirlər AMEA Naxçıvan Bölməsinin Elmi Kitabxanasında “Müasir zaman və elektron kitabxanalar” mövzusunda keçirilən elmi seminarda səslənib.
Bölmənin İnformasiya şöbəsindən NUHÇIXAN-a verilən məlumata görə, tədbirdə Azərbaycanda, o cümlədən Naxçıvan Muxtar Respublikasında yaradılan elektron kitabxanaların rolu, müasir tələblərə uyğun kitabxanaların fəaliyyəti üçün yaradılan geniş imkanlardan bəhs edilib.
Xatırladaq ki, oxucular e-kitab.ameanb.nmr.az internet saytına daxil olmaqla kitabxananın imkanlarından istifadə edə bilərlər.