Naxçıvan nümayəndəliyinin rəhbəri Qazaxıstan səfiri ilə görüşüb - FOTOLAR
NUHÇIXAN xəbər verir ki, Bakı şəhərində Naxçıvan Muxtar Respublikası Daimi nümayəndəliyinin rəhbəri Bəxtiyar Əsgərov Qazaxıstan Respublikasının Azərbaycan Respublikasında yeni təyin olunmuş fövqəladə və səlahiyyətli səfiri Serjan Abdıkərimovla görüşüb. Görüşdə iki qardaş ölkə arasındakı münasibətlər, Naxçıvan Muxtar Respublikası ilə əlaqələrin daha da yüksəldilməsi, iqtisadi-ticari,elmi-mədəni sahələrdə, eləcə, turizm sahəsində qarşılıqlı əməkdaşlıq imkanlarının artırılması,vətəndaşlıq məsələləri, rəsmi səfərlər və digər maraqlı sahələr ətrafında müzakirələr aparılıb.