Naxçıvan Texniki Kollecində Dövlət Bayrağı Günü qeyd olundu

NUHÇIXAN xəbər verir ki, Naxçıvan Texniki Kollecində Dövlət Bayrağı Günü münasibətilə tədbir keçirilib.

Əvvəlcə Azərbaycan Respublikasının Dövlət himni oxunub.

Bildirilib ki, Azərbaycan Xalq Cümhuriyyətinin yadigarı olan, azadlıq məfkurəsinə, milli-mənəvi dəyərlərə və ümumbəşəri idealara sadiqliyimizi nümayiş etdirən bayrağımız 1990-cı il noyabrın 17-də ümummilli lider Heydər Əliyevin rəhbərliyi ilə Naxçıvanda əbədi yüksəkliyə qaldırılıb. 

Qeyd olunub ki, Azərbaycan Respublikasının Prezidenti cənab İlham Əliyev  2009-cu il noyabrın 17-də hər il 9 noyabr tarixinin Azərbaycan Respublikasının Dövlət Bayrağı Günü kimi qeyd edilməsi haqqında sərəncam imzalayıb. Sərəncama əsasən hər il noyabrın 9-u ölkəmizdə  bayram kimi qeyd edilir. 

Tədbirin bədii hissəsində tələbələrin ifasında bir-birindən maraqlı musiqi nömrələri, bayrağımıza həsr edilmiş şeirlər səsləndirilib, dövlət bayrağı haqqında videoçarx nümayiş etdirilib.

Mədinə Rəhimli