93 tələbə istehsalat təcrübəsi keçəcək - FOTOLAR
NUHÇIXAN xəbər verir ki, “Naxçıvan” Universitetinin 2019-2020-ci tədris ilinin payız semestrinin istehsalat təcrübəsinə start verilib. Bu dəfə 93 nəfər IV kurs tələbəsi istehsalat təcrübəsində iştirak edəcək. Onlar Naxçıvan Muxtar Respublikasının Maliyyə, İqtisadiyyat nazirlikləri, Turizm Departamenti, Mərkəzi Bank, Dövlət Miqrasiya Xidmətində 7 həftəlik təcrübədə olacaqlar. Təcrübəçilər universitetin İqtisadiyyat və İdarəetmə fakültələrinin əyani şöbəsinin “İqtisadiyyat”, “Turizm və otelçilik”, “Mühasibat uçotu və audit”, “Beynəlxalq münasibətlər” və “Maliyyə” ixtisasları üzrə təhsil alan tələbələrdir.
Bununla bağlı “Naxçıvan” Universitetində keçirilən başlanğıc konfransında istehsalat təcrübəsinin əhəmiyyəti, keçirilmə qaydaları və müddəti haqqında geniş məlumat verilib.