“İki şəhid-iki zirvə” adlı kitabın təqdimatı olub - FOTOLAR

NUHÇIXAN xəbər verir ki, Kəngərli rayon Yurdçu Kənd mərkəzində filologiya üzrə fəlsəfə doktoru, şair-publisist Elxan Yurdoğlunun “İki şəhid-iki zirvə” kitabının təqdimatı olub.

 Kitab ötən əsrin 90-cı illərində Naxçıvan Muxtar Respublikasına qarşı mənfur ermənilərin silahlı hücumları zamanı vətənin müdafiəsində şəhid olmuş Kəngərli rayon Yurdçu kəndinin iki şəhidi –Müşviq Səfərov və Kamran Məmmədovun ömür yoluna həsr olunub.

Tədbirdə Kamran və Müşviqin həyatından söhbət açılıb. Kənd sakinləri hər iki şəhidi ilə qürur duyduqlarını bildiriblər.

Yurdçu kənd məktəbliləri vətənpərvərliklə bağlı  şeirlər səslənəndiriblər.

Sonra tədbir iştirakçıları “ Müqəddəs amal uğrunda şəhid olanlar” adlı sərgiyə baxıblar. Sərgidə hər iki şəhidə məxsus fotoşəkillər, albomlar  yer alıb.

                                                Cavid Səfərli