Şəhid ailələrindən olan uşaqların ekskursiyası təşkil olunub - FOTOLAR
20 noyabr-Ümumdünya Uşaq Günü münasibəti ilə Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsi tərəfindən hər iki valideynini itirmiş və valideyn himayəsindən məhrum olmuş, sağlamlıq imkanları məhdud, aztəminatlı, şəhid ailələrindən olan 21 uşağın ekskursiyası təşkil olunub.
Komitədən NUHÇIXAN-a verilən məlumata görə, ekskursiya çərçivəsində uşaqlar Heydər Əliyev Muzeyi, “Duzdağ” Fizioterapiya Mərkəzi, Nəbatət bağı, “Xan Sarayı” Dövlət Tarix-Memarlıq, Möminə Xatın və Açıq Səma Altında Muzey Kompleksində olublar.