"Qızıl payız" tələbə rəssamların fırçasında - FOTOLAR

NUHÇIXAN xəbər verir ki, Naxçıvan Dövlət Universitetinin kampusunda "Qızıl payız" adı altında açıq səma altında rəsm müsabiqəsi təşkil edilib. Ali təhsil ocağında ilk dəfə keçirilən tədbirdə I kurs tələbələrinin iştirakı üstünlük təşkil edib. Müsabiqəni İncəsənət fakültəsinin Təsviri incəsənət müəllimliyi və Rəngkarlıq ixtisası tələbələri birgə keçiriblər. 18 tələbənin qatıldığı yaradıcılıq müsabiqəsinə Əməkdar rəssam Həbibə Allahverdiyeva rəhbərlik edib. Tələbə-rəssamlar daha çox payız lövhələri çəkiblər.

Çəkilən rəsmlər və əl işlərinin universitetdə sərgisi təşkil olunacaq və maraqlı yaradıcılıq nümunələri universitet rəhbərliyi tərəfindən təltif olunacaqlar.