Bağçada payıza həsr olunmuş tədbir keçirilib
Naxçıvan şəhər 3 nömrəli uşaq bağçasında “Xoş gəlmisən, qızıl payız!” adlı tədbir keçirilib. Tədbirin aparıcıları ilin fəsilləri arasında özünəməxsus yeri olan payızın gözəlliklərini, bolluq, bərəkət fəsli olduğunu diqqətə çatdırıb, sonra səhnənı balacalara veriblər.
“Salam, payız!” mahnısı ilə qonaqları salamlayan balacalar daha sonra heyva, nar, alma, armud və üzümün Payız Qızı ilə dialoqunu təqdim ediblər.
“Göbələklər”, “Əkinçilər” və “Meyvələrin bəhsi” şeirləri ilə balacalar öz bacarıqlarını nümayiş etdiriblər.
Tədbirin sonunda iştirakçılar azyaşlıların ifasında “Payızın tərifi” mahnısını dinləyiblər.
Aydan Yunisqızı
“Nuh yurdu” qəzeti