Qeyri-hökumət təşkilatlarının nümayəndələri maarifləndirilib

Ədliyyə Nazirliyinin və Naxçıvan Muxtar Respublikasının İnsan Hüquqları üzrə Müvəkkilinin (Ombudsmanın) birgə təşkilatçılığı ilə muxtar respublikada fəaliyyət göstərən qeyri-hökumət təşkilatlarının nümayəndələri üçün “Qeyri-hökumət təşkilatlarının fəaliyyəti, ianə və qrantlarla bağlı qanunvericiliyin tələbləri ” mövzusunda seminar keçirilib.

Ədliyyə Nazirliyinin mətbuat xidmətindən NUHÇIXAN-a verilən xəbərə görə, seminarda qeyri-hökumət təşkilatlarının fəaliyyəti, onların maliyyə mənbələri, ianə və yardımlar haqqında qanunvericilikdə nəzərdə tutulan  məqamlarla bağlı  məlumat verilib.

Seminarın sonunda mövzu ətrafında müzakirələr aparılıb, iştirakçıların sualları cavablandırılıb.