Babək Rayonunda işaxtaran vətəndaşların əmək fəaliyyətinə cəlb olunması diqqət mərkəzində saxlanılır. Ötən ay ərzində 26 işaxtaran vətəndaş qeydiyyata alınıb. Onlardan 5-i gənclər, 6-sı qadın, 3-ü isə məhdud fiziki imkanlı şəxslərdir.
Noyabr ayında işaxtaran vətəndaşlardan 27-si iqtisadiyyatın müxtəlif sahələrində işlə təmin olunub. Gənclərin, məhdud fiziki imkanlı şəxslərin və qadınların məşğulluğunun təmin olunması məqsədilə görülən işlər ötən ay da davam etdirilib, 3 gənc və 1 qadın müvafiq işlərə göndərilib. Qeydiyyata alınan işaxtaran vətəndaşlardan 4-ü “qazanxana maşinisti”, 6-sı isə “dərzi” peşə hazırlığı kursuna cəlb edilib. Hesabat dövrü ərzində məhdud fiziki imkanlı 5 qadın sosialyönümlü ictimai işlərə cəlb olunub.
Əhalinin məşğulluğunun təmin olunması istiqamətində tədbirlər bundan sonra da davam etdiriləcək.
Faiq Allahverdiyev
“Şərqin səhəri” qəzeti