Maarifləndirici seminarlar davam etdirilir - FOTOLAR
NUHÇIXAN xəbər verir ki, Naxçıvan Muxtar Respublikası Əmək və Əhalinin Sosial Müdafiəsi Nazirliyi tərəfindən əmək müqaviləsi bildirişlərinin elektron informasiya sisteminə daxil edilməsinə dair maarifləndirici seminarlar davam etdirilir.
Növbəti seminar Naxçıvan Muxtar Respublikası Səhiyyə Nazirliyində keçirilib. Nazirliyin tabeli təşkilatlarının kadrlar üzrə mütəxəssislərinin iştirakı ilə keçirilən seminarda Dövlət Əmək Müfəttişliyi Xidmətinin nümayəndələri tərəfindən elektron informasiya sisteminin tətbiqinə dair maarifləndirici söhbətlər aparılıb, həmçinin mövzu ətrafında slaydlar nümayiş etdirilib.
26 müəssisədən 34 nümayəndənin iştirak etdiyi seminarın sonunda iştirakçıları maraqlandıran suallar cavablandırılıb, müvafiq tövsiyələr verilib.