Fazil Ələkbərov şəxsi heyəti təbrik edib
Daxili qoşunların Naxçıvan Əlahiddə Əməliyyat briqadasında 15 İyun - Milli Qurtuluş Gününə həsr olunmuş tədbir keçirilib.
NUHÇIXAN xəbər verir ki, tədbirdə ötən ay silahlı qüvvələrin keçirdiyi əməliyyat nəticəsində Şərur rayonunun Günnüt kəndi də daxil olmaqla 11 min hektardan artıq ərazi ordumuzun nəzarəti altına keçdiyi vurğulanıb. Bütün bunlar əsası ümumilli lider Heydər Əliyev tərəfindən qoyulan ordu quruculuğunun bəhrələridir.
Tədbirdə Naxçıvan Muxtar Respublikasının Daxili İşlər naziri, general mayor Fazil Ələkbərovun, Azərbaycan Respublikası Daxili İşlər nazirinin müavini, Daxili Qoşunların Komandanı, general-leytenant Şahin Məmmədovun təbrikləri şəxsi heyətə çatdırılıb.
Sonda tədbir iştirakçıları ümummilli liderə həsr olunmuş sənədli filmə baxıblar.
Turab Hacızadə