“Naxçıvan Aqrolizinq” Açıq Səhmdar Cəmiyyətində və cəmiyyətin rayon bazalarında taxıl istehsalçılarına karbamid gübrəsinin verilməsinə başlanılıb.
NUHÇIXAN xəbər verir ki, “Naxçıvan Aqrolizinq” Açıq Səhmdar Cəmiyyətində və cəmiyyətin rayon bazalarında taxıl istehsalçılarına 46 faizli karbamid gübrəsinin buraxılışına başlanılıb. İndiyədək xaricdən idxal olunan karbamid gübrəsi bu ildən artıq Azərbaycan Dövlət Neft Şirkətinin karbamid zavodunda istehsal olunur. 6 min tondan artıq karbamid gübrəsi “Naxçıvan Aqrolizinq” Açıq Səhmdar Cəmiyyətində və cəmiyyətin rayon bazalarında tədarük olunub.
Qeyd edək ki, payızlıq taxıl sahələrinə optimal müddətdə karbamid gübrəsinin verilməsi üçün torpaq mülkiyyətçiləri indidən tədarük görürlər. Ötən payızda isə muxtar respublikada 36 min 99 hektar sahədə taxıl əkini aparılıb.
Novruz Məmmədov