Sosial qayğıya ehtiyacı olan ailələrin özünüməşğulluğu diqqətdə saxlanır - FOTOLAR
NUHÇIXAN xəbər verir ki, Naxçıvan Muxtar Respublikası Əmək və Əhalinin Sosial Müdafiəsi Nazirliyi tərəfindən sosial qayğıya ehtiyacı olan ailələrə mal qara verilib. Muxtar respublika üzrə, ümumilikdə 21 aztəminatlı ailə müəyyənləşdirilib və fərdi təsərrüfatların yaradılmasına köməklik göstərilməsi məqsədilə 19 nəfərə yanında balası olan iribuynuzlu, 2 nəfərə yanında balası olan 10 baş xırdabuynuzlu mal-qara təhvil verilib.
Bununla əlaqədar keçirilən tədbirdə çıxış edən Naxçıvan Muxtar Respublikası Əmək və Əhalinin Sosial Müdafiəsi naziri Nicat Babayev muxtar respublikada aztəminatlı ailələrə göstərilən dövlət qayğısı, onların məşğulluğunun təmin olunması istiqamətində həyata keçirilən tədbirlər barədə danışıb.
Daha sonra aztəminatlı ailə təmsilçilərinə verilən aktivlərlə bağlı sənədlər təqdim olunub.