“Dörd fəsildə Naxçıvan” adlı foto-müsabiqə başa çatıb - FOTOLAR
NUHÇIXAN xəbər verir ki, Naxçıvan Dövlət Teleradiosunun elan etdiyi “Dörd fəsildə Naxçıvan” adlı foto-müsabiqə artıq başa çatıb. Müsabiqə ilə bağlı albom-kataloq da hazırlanıb. Albom kataloq Naxçıvan Muxtar Respublikası Ali Məclisi Sədrinin 2019-cu il 21 yanvar tarixli Sərəncamına əsasən “Naxçıvan Muxtar Respublikasının 95-illik yubileyinə həsr olunmuş Tədbirlər Planına” əsasən nəşr olunub.
Müsabiqəyə 44 iştirakçı tərəfindən 1888 foto təqdim edilib. Fotoların hər biri müəlliflərin qısa təqdimatı verilməklə naxcivantv.az və nuhcixan.az saytlarında, televiziyanın sosial şəbəkələrdəki səhifə və qruplarında yerləşdirilərək milyonlarla izləyiciyə çatdırılıb. Eyni zamanda “Google” axtarış sisteminə əlavə edilərək sosial şəbəkələrdə paylaşılıb. Həmçinin albom-kataloq nuhcixan.az saytında “4 fəsildə Naxçıvan” adlı bölmədə yerləşdirilib. İzləyicilər nəfis şəkildə hazırlanan albom-kataloqu buradan izləyə bilərlər.
Müsabiqənin məqsədi qədim Naxçıvanın mədəniyyətini, tarixi abidələrini, turizm imkanlarını, təbiət mənzərələrini, müasir inkişafını, adət-ənənələrini, insanların gündəlik həyatını təbliğ və tərənnüm etməkdən ibarət olub.
Albom-kataloqa burdan baxa bilərsiz.