Naxçıvan Muxtar Respublikası Daxili İşlər Nazirliyinin mətbuat xidmətinin məlumatı

Naxçıvan Muxtar Respublikası Daxili İşlər Nazirliyinin mətbuat xidmətindən NUHÇIXAN-a verilən məlumata görə, fevralın 9-u muxtar respublikada Azərbaycan Respublikasının Milli Məclisinə və Naxçıvan Muxtar Respublikası Ali Məclisinə keçirilən seçkilərdə təhlükəsizlik tədbirləri və ictimai asayiş yüksək səviyyədə təmin olunub.

Seçki günü daxili işlər orqanlarına ictimai asayişin pozulmasına dair və ya seçkilərin keçirilməsinə xələl gətirən hər hansı müraciət daxil olmayıb, seçkilər yüksək təhlükəsizlik şəraitində keçirilib.