Muxtar respublikada bir neçə gündür taxıl biçininə start verilib - FOTOLAR
NUHÇIXAN xəbər verir ki, muxtar respublikanın Kəngərli rayonunda 4522 hektar sahədə payızlıq taxıl əkini aparılıb. Həmin sahələrin 2335 hektarı buğda, 2187 hektarı isə arpa zəmiləridir. Rayonun Qıvraq qəsəbəsində, Böyükdüz, Xok, Şahtaxtı, Yurdçu və Qabıllı kəndlərində arpa biçini mütəşəkkil keçirilir.
Rayonda biçin kampaniyasına start verildiyindən bu günə qədər 205 hektar sahədə biçin keçirilib. Taxıl biçininə 14 kombayn cəlb olunub. Həmçinin 15-dək digər texniki vasitə də biçinə cəlb edilib. Hazırda arpa sahələrinin məhsulu toplanılır. Həmin sahələrdə məhsuldarlıq 30-35 sentnerə bərabərdir.
Xatırladaq ki, ötən il muxtar respublika üzrə 31 min 632 hektar taxıl zəmisində biçin keçirilib və sahələrdən 93 min 419 ton məhsul götürülüb.
Əbülfəz Dünyamalıyev