Sağlam insanın tibbi maska taxması vacib deyil
Apteklərdə satılan tibbi maskaların yüksək dərəcəli qoruyuculuğu yoxdur. Qoruyuculuğu yüksək olan maskalar ancaq tibb işçiləri üçün istehsal olunur. Onlar da apteklərdə satılmır.
NUHÇIXAN xəbər verir ki, bu sözləri TƏBİB-in yoluxucu xəstəliklər işçi qrupunun rəhbəri Vasif Əliyev Nazirlər Kabineti yanında operativ qərargahın koronavirusla əlaqədar KİV nümayəndələri üçün keçirdiyi brifinqdə deyib.
O bildirib ki, tibbi maskanı bütün respirator infeksiya daşıyıcısı olan xəstələr taxmalıdırlar. Bu, infeksiyanın ətrafa yayılmasının qarşısını alır. Sağlam insanın maska taxması vacib deyil.