Tətil zamanı dərs öyrənmək üçün Təhsil Nazirliyi onlayn tədris resurslarını bir daha diqqətə çatdırır

Tətil zamanı dərs öyrənmək üçün Təhsil Nazirliyi onlayn tədris resurslarını bir daha diqqətə çatdırır:

- video.edu.az portalına 1651 videodərs yerləşdirilib. Elektron portalda hər ay belə dərslərin sayı artırılmaqdadır. Portalda 3D animasiyalı videolar, “Khan Academy” dərsləri və qiymətləndirmə sistemli videodərslər mövcuddur. Dərslər yerli və xarici müəllimlərin iştirakı ilə milli kurikuluma uyğun hazırlanır.

- www.e-derslik.edu.az portalında 232 elektron dərslik, 22 metodik vəsait və 2 sinifdənxaric oxu materialı olmaqla, ümumilikdə 256 elektron vəsait mövcuddur. Video, qrafika, səs və digər multimedia vasitələri ilə zənginləşdirilmiş dərsliklərin sayı hazırda 28-dir.

NUHÇIXAN xəbər verir ki, “Dərs vaxtı” - “Mədəniyyət” və “ARB Günəş” kanallarında yayımlanan proqram çərçivəsində həftənin 5 günü teledərslər keçirilir. Teledərslər bütün sinifləri əhatə edir, dərs mövzularına dair qısa izah və təlimatlar təqdim olunur.

Verilişə ekran qarşısında baxa bilməyənlər keçirilmiş dərsləri Təhsil Nazirliyinin rəsmi “YouTube” kanalı ilə yanaşı, “Facebook” səhifəsindən də izləmək imkanı əldə edə bilərlər.