Naxçıvanda yaşıllıq sahələri genişləndirilir - FOTOLAR
Muxtar respublikada yaşıllıqların qorunması və artırılması istiqamətində görülən işlər bu dəfə Naxçıvan Şəhər Su Anbarı və Su Təmizləyici Qurğular Kompeksinin ətrafında aparılıb.
NUHÇIXAN xəbər verir ki, Ekologiya və Təbii Sərvətlər Nazirliyinin əməkdaşları tərəfindən adı çəkilən kompleksin 1,5 hektar ərazisində 700-ə yaxın ərik və tut tingləri əkilib.
Həmçinin əkin işlərinin aparıldığı ərazinin yamac hissələrində yeni üzüm tinglərinin salınması üçün də hazırlıq görülüb.
Qeyd edək ki, yay aylarında həm də çimərlik kimi fəaliyyət göstərən Uzunoba su anbarının ətrafının yaşıllaşdırılması təkcə ekoloji baxımdan deyil, turizmin inkişafı baxımından da mühüm əhəmiyyət kəsb edir.
Mahmud Hüseynov