Nursu kəndində yeni üzüm bağı salınıb - FOTOLAR

NUHÇIXAN xəbər verir ki, Şahbuz  rayonunun Nursu kəndində 1,5  hektar sahədə yeni üzüm bağı salınıb.                                                                     

Əkin aparılmazdan əvvəl  seçilən yamac sahədə aqrotexniki tədbirlər görülüb. Ərazi təmizlənərək yararlı hala salınıb. Əkin zamanı yerli üzüm sortlarından olan  ağ və qara kişmişi, xəlili, qara şanı və digər sortlardan istifadə olunub. Əkində üzvi gübrələrdən də istifadə olunaraq əraziyə 2 minə yaxın  üzüm tənəyi basdırılıb.

Yeni salınan üzüm bağını kənd sakinləri qədim üzümçülük ənənələrinin bərpası kimi dəyərləndirir. Burada əkilən  üzüm sortlarından sakinlər həm bəkməz, müxtəlif içkilər, mövüz, kişmiş hazırlayıb,  həm də  bir zamanlar  Şahbuz  rayonunda fəaliyyət göstərən üzüm emalı zavoduna min tonlarla üzüm təhvil veriblər.

Qeyd edək ki, son dövrlərdə Şahbuz rayonunun ərazisində 10 hektara yaxın  sahədə yeni üzüm bağı salınıb.

                          Novruz Məmmədov