Ordubad rayonunda qanunsuz balıq ovu edən şəxslər saxlanılıb - FOTOLAR
NUHÇIXAN xəbər verir ki, Ordubad Rayon Polis Şöbəsinin əməkdaşları tərəfindən həyata keçirilən əməliyyat axtarış tədbirləri nəticəsində Nüsnüs çayının Yuxarı Əndəmic ərazisindən keçən hissəsində Aşağı Əndəmic kənd sakinləri Əlizadə Turan Abbas oğlu və Rüstəmov Vüsal Bayram oğlu tərəfindən qadağan edilmiş yerdə balıq ovu etmələri faktı aşkar olunub.
Hadisə yerinə baxış zamanı balıq ovlanması üçün nəzərdə tutulmuş küstar üsulu ilə hazırlanan 1 ədəd tor və həmin tor ilə ovlanan adı Qırmızı kitaba düşən və ovlanması qadağan edilən 18 qırmızı xallı farel balığı sənədləşdirilərək maddi sübut kimi götürülüb.
Həmin şəxslər barəsində qanuna müvafiq olaraq tədbirlər həyata keçiriləcək.
Mahmud Hüseynov