Naxçıvanda elektron monitorlardan vizual çağırış: “Biz birlikdə güclüyük!”, “Evdə qal!”  - FOTOLAR

NUHÇIXAN İnformasiya Agentliyi xəbər verir ki, Naxçıvan şəhərindəki elektron monitorlarda, eləcə də “Təbriz”  otelinin üzərində “Biz birlikdə güclüyük!”  və “Evdə qal!”  şüarları əks olunub.

Şəhərin Heydər Əliyev prospektində, İstiqlal küçəsində və digər ünvanlarda bu cür vizual çağırışların  paylaşılmasında əsas məqsəd hazırkı məqamda dünyada pandemiya elan olunan virusla mübarizə çərçivəsində insanları evdə qalmağa səsləməkdir.

Qeyd edək ki, “Təbriz”  otelinin üzərində də xüsusi lazer effektləri ilə Azərbaycan Respublikasının Prezidenti İlham Əliyevin “Biz birlikdə güclüyük!” fikri və “Evdə qal!”  şüarı əks olunur. Vətəndaşların zərurət yaranmadığı hallarda evdən çıxmamaları məsləhət görülür.                                                                                      

                                                                                       Turab Hacızadə