İlin iki ayı ərzində Azərbaycanda 22 min 321 körpə doğulub
İlin ilk iki ayı ərzində Azərbaycanda 22 min 321 körpə doğulub. Əhalinin hər 1000 nəfərinə bu göstərici 13,7 təşkil edib.
Dövlət Statistika Komitəsindən NUHÇIXAN İnformasiya Agentliyinə bildiriblər ki, körpələrin 584-ü əkiz, 12-si isə üçəmdir.
Yanvar-fevral aylarında, həmçinin ölkədə 10 min 216 ölüm halı qeydə alınıb və ötən ilin müvafiq dövrü ilə müqayisədə əhalinin hər 1000 nəfərinə bu göstərici azalaraq 6,4-dən 6,3-ə enib.