Yaz fəslinin gülüstanı Naxçıvan - FOTOLAR

Həyata keçirilən məqsədyönlü ekoloji siyasət nəticəsində vaxtilə ərazisinin cəmi 0, 6 faizi, bu gün isə 20 faizi yaşıllıqlarla əhatə olunan Naxçıvan şəhəri yaz fəslində gözəlliyi ilə göz oxşayır. Yaraşıqlı binalar, təmiz prospekt və küçələr, meydanlar, bağlar, parklar, bərpa olunmuş qədim abidələr şəhərin ən yüksək məkanında dalğalanan üçrəngli bayrağımızın fonunda daha əzəmətli görünür. Mühüm maarif, elm və mədəniyyət, informasiya mərkəzlərindən birinə çevrilən muxtar respublikanın paytaxtına gedən yollar da bu gözəlliklərlə harmoniya təşkil edir. Hər yanda səliqə-sahmana, insan əllərinin yaratdığı möcüzələrə baxdıqca qəlbimiz fərəhlənir. İnsan əlinin zəhməti təbiət gözəllikləri ilə birləşəndə möcüzə yaranır. Bu möcüzənin adı isə Naxçıvandır.

NUHÇIXAN İnformasiya Agentliyi yaşıllığa bürünmüş qədim diyardan çəkilmiş fotoları təqdim edir.