Aprel döyüşləri və Naxçıvan əməliyyatında qaldırılan bayraqlar bugünkü paradda nümayiş olunub - VİDEO
Azərbaycan Silahlı Qüvvələrinin 100 illiyi münasibətilə keçirilən paradda Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev 2016-ci il aprel döyüşlərində və 2018-ci il Naxçıvanda keçirilən Günnüt əməliyyatında qaldırılan bayraqlardan danışıb. Bu bayraqların bu gün keçirilən paradda nümayiş olunduğunu qeyd edib. Xatırladaq ki, 2018-ci il may ayında Naxçıvanda uğurla həyata keçirilən Günnüt əməliyyatında əsgərlərdən sonra ilk dəfə Naxçıvan televiziyasının və Nuhçıxan İnformasiya Agentliyinin əməkdaşları Azərbaycan bayrağını Günnüt dağlarında dalğalandırıblar. NUHÇIXAN Dövlət başçımızın zəfər bayraqlarımızla bağlı söylədiyi fikirlərin videomaterialını təqdim edir.