Könüllülər Babək rayonunun kəndlərində tənha ahılları ziyarət edib - FOTOLAR

NUHÇIXAN İnformasiya Agentliyi  xəbər verir ki, Naxçıvan Muxtar Respublikası Əmək və Əhalinin Sosial Müdafiəsi Nazirliyinin könüllüləri bu dəfə Babək rayonunun Nehrəm, Vayxır və Şıxmahmud kəndlərində sosial xidmət göstərilən tənha ahılları evlərində ziyarət ediblər.

Könüllülər ahıllara göstərilən xidmətlərlə tanış olub, ahılların yaşayış sahələrində təmizlik və abadlıq  işləri aparıblar.

Qeyd edək ki, bu ilin ölkəmizdə  “Könüllülər ili” olması ilə əlaqədar olaraq muxtar respublika gəncləri də  könüllülük hərəkatına  məmnuniyyətlə  qoşularaq fəallıq nümayiş etdirirlər.

                                                                                   Nurlan Sadiqov